റോഡിൽ നിന്നും രണ്ടു പവന്റെ സ്വർണ വള കളഞ്ഞു കിട്ടിയ യാചകൻ ചെയ്തത് കണ്ടോ. പൊതുവെ യാചകരെ ആരും അടുപ്പിക്കാറില്ല എന്നു തന്നെ പറയാം. കാരണം ചില യാചകർ യാചിക്കാൻ വരികയും മോഷണങ്ങളും മറ്റും നടത്തുന്നതും നമ്മൾ മിക്കപ്പോഴും കേൾക്കാറുള്ളതാണ്. എന്നാൽ ഇപ്പോഴൊരു യാചകൻ ചെയ്ത പ്രവൃത്തിയാണ് സോഷ്യൽ മീഡിയയിൽ വൈറൽ ആയി മാറുന്നത്. സംഭവം നടന്നത് നമ്മുടെ കൊച്ചു കേരളത്തിൽ തന്നെയാണ്. ആലുവ റെയിൽവേ സ്റ്റേഷനാടുത്താണ് തമിഴ് നാട്ടിലെ ചെന്നൈയിൽ നിന്നും വന്ന തിരുത്താണി സ്വദേശിയായ രമേശ് ഭിക്ഷയെടുത്തു ജീവിക്കുന്നത്. രമേശിന് ഒരു കാൽ ഇല്ലാത്തതുകൊണ്ട് ജോലിക്കൊന്നും പോകാൻ പറ്റാത്ത അവസ്ഥ ആണ്.
പകൽ സമയം ഭിക്ഷ യാജിക്കുകയും രാത്രിയിൽ റെയിൽവേ സ്റ്റേഷനടുത്ത് കിടന്നുറങ്ങുകയുമാണ് ചെയ്യാറുള്ളത്.കഴിഞ്ഞ ദിവസമാണ് ഈ സംഭവം നടക്കുന്നത്. ആലുവ റെയിൽവേ സ്റ്റേഷന്റെ അടുത്തുള്ള ബേക്കറിയുടെ സമീപത്തുനിന്നും രണ്ടു പവന്റെ സ്വർണവള കളഞ്ഞു കിട്ടുകയായിരുന്നു. രമേശിന് സ്വർണവള കിട്ടിയത് ആരും അറിഞ്ഞിട്ടുമില്ല. വേണമെങ്കിൽ അദ്ദേഹത്തിന് ആ വള എടുക്കാമായിരുന്നു.പക്ഷെ ആ സത്യസന്ധനായ യാചകൻ അത് ചെയ്തില്ല. പകരം തനിക്ക് കിട്ടിയ സ്വർണവള ബേക്കറിയുടെ ഉള്ളിലിരുന്ന സ്ത്രീയെ ഏൽപ്പിക്കുകയായിരുന്നു. ഏവർക്കും ഒരു സംശയം വരാൻ സാധ്യത ഉണ്ട്. എങ്ങനെ കൃത്യമായി ആ യാചകൻ ആ സ്‌ത്രീ ക്ക് വള നൽകി എന്നത്. കാരണം മറ്റൊന്നുമല്ല അവർ ബേക്കറി യുടെ അടുത്ത് വണ്ടി പാർക്ക് ചെയ്തു വരാൻ നേരം ആ യാചകൻ അവരുടെ മുൻപിൽ കൈ നീട്ടിയിരുന്നു. അങ്ങനെ ആ കാറിൽ വന്ന യാത്രക്കാർ യാചകണ് 5 രൂപ നൽകി. അതും വാങ്ങി തിരിച്ചു നടക്കുമ്പോൾ ആണ് അവർ വന്നിറങ്ങിയ കാറിനടുത്ത് വള വീണു കിടക്കുന്നത് ശ്രദ്ധയിൽ പെട്ടത്. രാത്രി 9മണിക്കായിരുന്നു സംഭവം നടന്നത്.
