ഉണ്ട കണ്ണുകൊണ്ട് ഒറ്റ നോട്ടം നോക്കി മാറാ ചില്ലകളിലേക്ക് ചാടികയറുന്ന അണ്ണാറക്കണ്ണന്മാരെ ഇഷ്ടമില്ലാത്തവർ ആരുമുണ്ടാകില്ല ഇവർ നമ്മളെ കുറച്ചൊന്നുമല്ല അത്ഭുദ പെടുത്തിയിട്ടുണ്ടാവുക ഒന്ന് തൊടാനായി നമ്മൾ അടുത്തേയ്ക്ക് പോകുമ്പോഴേക്കും വാലും കുലുക്കി വേഗത്തിൽ പായുന്ന സൂത്രക്കാരൻമാരാണവർ എന്നാൽ തൻ്റെ കുഞ്ഞിനെ രക്ഷിക്കാൻ ഒരു വഴിയാത്രക്കാരനോട് സഹായം ചോദിച്ച അണ്ണാന്റെ കഥയാണ് ഇത്. തൻ്റെ വീടിനോട് ചേർന്നുള്ള തോട്ടത്തിലൂടെ എന്നത്തേയും പോലെ നടക്കാൻ ഇറങ്ങിയതായിരുന്നു മിഖായേൽ അപ്പോഴാണ് ഒരു അണ്ണാൻ മിഖായേലിന്റെ അടുത്ത് വന്ന് അയാളുടെ ചുറ്റും കറങ്ങുകയും ശബ്ദമുണ്ടാക്കുകയും ചെയ്തത് ആദ്യം അയാൾ കരുതിയത് അതിന് വിശന്നിട്ടായിരിക്കും അങ്ങനെ ചെയ്തത് എന്നാണ് അതുകൊണ്ട് തന്റെ കയ്യിലുണ്ടായിരുന്ന കുറച്ച് കപ്പലണ്ടികൾ ഇട്ടു കൊടുത്തു.
എന്നാൽ ആ അണ്ണാൻ അതെടുക്കാതെ വീണ്ടും അദ്ദേഹത്തിന്റെ അരികിലിരുന്ന് ശബ്ദമുണ്ടാക്കി കുറച്ച് തിരക്കിലായതുകൊണ്ടുതന്നെ മിഖായേൽ വീണ്ടും നടക്കാൻ ഇറങ്ങി അപ്പോൾ ആ അണ്ണാൻ അദ്ദേഹത്തതിന്റെ കാലിലേക്ക് ചാടി കയറുകയും മിഖായേൽ ശ്രദ്ധിക്കുന്നു എന്ന് മനസിലായപ്പോൾ അത് ഇറങ്ങി ദൂരേക്ക് മാറി ശബ്ദം ഉണ്ടാക്കുകയും ചെയ്തു അത് കണ്ടപ്പോൾ മിഖായേൽ അങ്ങോട്ട് ചെന്നു അപ്പോൾ ആ അണ്ണാൻ കുറച്ചുകൂടി മുന്നോട്ട് പോയി ഒരു മരത്തിന്റെ ചുവട്ടിൽ പോയി നിന്നു അങ്ങോട്ട് ചെന്ന മിഖായേൽ കണ്ടത് കാലൊടിഞ്ഞു കിടക്കുന്ന ഒരു അണ്ണാൻ കുഞ്ഞിനെയാണ് അപ്പോഴാണ് മിഖായേലിന് മനസിലായത് തന്റെ കുഞ്ഞിനെ രക്ഷിക്കാനാണ് ആ അണ്ണാൻ തന്നോട് ആവശ്യപ്പെട്ടതെന്ന് അദ്ദേഹം ഉടൻ തന്നെ ആനിമൽ റെസ്ക്ക്യു സെന്ററിലേക്ക് വിവരം അറിയിക്കുകയും അവർ വന്ന് അതിനെ രക്ഷിക്കുകയും ചെയ്തു.
മിഖായേൽ തന്നെയാണ് ഈ സംഭവവും ആ അണ്ണാൻ കുഞ്ഞിന്റെ വിഡിയോയും സോഷ്യൽ മീഡിയയിൽ പങ്കുവച്ചത് ഒടുവിൽ കാലിലെ പരിക്ക് ബേധമായ കുഞ്ഞിനെ മിഖായേൽ തന്റെ വീട്ടിലേക്ക് കൊണ്ടുവന്നു തൻ്റെ കുഞ്ഞിനെ കാണാൻ അമ്മ അണ്ണാൻ സ്ഥിരമായി ആ വീട്ടിൽ എത്താറുണ്ട് കുറച്ചു നേരം കുഞ്ഞിനൊപ്പം ചിലവഴിച്ചശേഷം അത് തിരികെ പോകുകയും ചെയ്യും ഇപ്പോൾ ആ വീട്ടിലെ ഒരു അംഗമാണ് ക്യുറ്റി എന്ന ആ അണ്ണാൻ കുഞ്ഞ്.
